प्रतिनिधि सभाको बैठक २ बजेसम्मका लागि स्थगित गरिएको छ । बिहान ११ बजेदेखि शुरु हुने भनिएको बैठक विपक्षी दलहरुले आफ्नो अडान कायम राखेपछि शुरु हुन सकेको छैन ।

छलफल जारी रहेकाले संघीय संसद सचिवालयले सुचना जारी गर्दै बैठक २ बजेदेखि शुरु हुने जानकारी गराएको हो । संसदको अवरोध खुलाउन रास्वपा सभापति रवि लामिछानेले विपक्षी दलहरुसँग छलफल गरिरहेका छन् ।

विपक्षी दलहरुले प्रधानमन्त्रीले संसदमा सीमा बारे दिएको अभिव्यक्ति सच्याउनुपर्ने माग राख्दै संसद अवरोध गर्दै आएका छन् ।